Umræða Bjarna Ben um sölu í Landsbankanum og geðþóttarákvörðun flutninga hjá samstarfsflokki hans!

Jæja nú er Bjarni Benediktsson að íhuga að selja hlut í Landsbankanum. Og ég spyr sem Íslendingur er ekki í lagi með BB? Fengu Íslendingar ekki hrun yfir sig eftir ákvörðun sömu flokka í ríkisstjórn með fulltingi flokks BB að einkavæða bankana með þessum hörmulegu afleiðingum þar sem að vissir vildarvinir fengu bankana á slikk og jafnvel borguðu lítið sem ekki neitt eða hvað? Nei nú ætti BB að gangast í það að gera upp fortíðina og viðurkenna mistök síns flokks og fyrrverandi  Seðlabankastjóra og líka formaður hins flokksins í ríkisstjórn vegna þess að sá hluti Íslendinga sem kaus þá ekki er ekki búinn að gleyma og kokgleypti ekki loforðin eins og sumir molbúar sem eru tryggir sínum málstað og vilja bara einkavæðingu og einokun eins og hefur verið viðloðandi báða þessa flokka alveg síðan annó 1918 og sérstaklega eftir 1944 og þá komst það á að borga sem minnst til launþega á meðan að við atvinnurekendur græddum og enda Samtök atvinnulífsins í dag með í því allavegana miðað við samninga! Og ekki tala ég um vöruverðið sem er í hæstu hæðum innflytjendur hækka og hækka og benda á alheimsverð þó svo að varan hafi komið til Íslands og borguð fyrir einhverjum mánuðum á undan! Sama með vildarvini beggja flokka sem eiga innflutningsfyrirtæki á sviði olíu og bensín þeir hækka strax þó svo að búið sé að borga farminn og mega því samkvæmt lögum ekki hækka en því miður þá er gott að hafa hauka í horni breyta kannski einhverjum reglugerðum! Þetta er skítt en svona er þetta og Íslendingar segja ekki neitt! En að öðru samstarfsflokkur BB ætlar að færa Fiskistofu norður og ætla ég ekkiað fara út í umræðuna en mikil djöfulsins pólitík er þetta og samanber flokkin hans SDG sem setti milljónir í verkefni með sms án nokkurs tilefnis þeir fengu sem þóknuðust honum! Hann er orðinn alveg eins og pabbi sinn útsmoginn og sem hefur komið fram misvísandi lygari eða hvað bara spyr? Nei nú er komið nóg og Íslendingar farið að vakna upp því milljarðarnir eru að renna frá okkur á meðan að þessir jólasveinar ráða og það er ekki langt í næsta hrun og þá er hægt að kenna molbúakjósendunum um hrunið ásamt BB og SDG!! Ég er ekki að bera í bætifláka fyrir fyrri ríkisstjórn en það var farið að sjást til sólar þá en núna er að verða almyrkvi! Sjáið til!

Örninn

ASÍ og lagasetningar

Jæja ósköp heyrist lítið í forystusauð ASÍ út af lagasetningum ríkisstjórnarinnar þar sem að Samtök Atvinnulífsins ráða ríkjum! Þá meina ég að hafa heila ríkisstjórn á valdi sínu svo vildarvinir geti grætt meira! En nú er komið nóg því það eru andskoti mörg lög sem að ríkisstjórn flokks innanríkisráðherra hefur sett undanfarna áratugi að beiðni LÍÚ ofl gróðapúnga sem græða á lágum launum og halda þeim niðri með erlendu starfsliði. Því miður þá komu hinir sömu á launaleynd í sem atvinnurekendur komu á í samningum sem hefur orðið til þess að laun hafa ekki hækkað eins og þau ættu að hafa hækkað allavegana miðað við launavísitölu SA og LÍÚ þar sem að laun hafa hækkað hjá stjórnendum um 100+ prósent á miðað við almennan launþega! Og ofsagróði sem að fyrirtækin sýna þá má ekki láta launþega fyrirtækjanna njóta þess heldur eiga launþegar að hanga á horriminni og það með atbeina ríkisstjórnarinnar sem vill halda láglaunastefnunni til streitu svo að almenningur verði ofurseldur sínum atvinnurekanda því viðkvæðið er ef að þú biður um hærri laun þá er nóg til af fólki!! Þannig halda þeir sinni láglaunastefnu með fulltingi ASÍ sem virðist sleikja einhvern enda á SA og LÍÚ. Og svo ætlar forystusauður ASÍ að bjóða sig fram aftur! Guð hjálpi verkafólki þá og vonast ég til þess að framboðin verði fjölmörg og að það verði almenn kosning ekki útvaldir félagar á þingi ASÍ! Þannig fór um síðustu kosningu hjá ASÍ það voru þeir í trúnaðamannaráði sem réðu úrslitum og það voru þeir innan ráðsins sem að kusu forystusauðinn með sínum atkvæðum þó svo að margir innan vinnustaða þeirra vildu ekki forystusauðinn en þeir snérust gegn sínum umbjóðendum gegn gylliboðum ASÍ og enda margir trúnaðarmenn sem verða ekki kosnir áfram og hafa haft skömm fyrir á sínum vinnustað! En nú er komið nóg og vonandi láta launþegar í sér heyra og launþegi vill ekki eymingjaskap heldur hörku sem að síðustu ár hefur verið engin með forystusauð ASÍ í forsvari því miður. Farið að tala um hlutina opinberlega en ekki kjafta hver í sínu horni og svo þegar að til kastanna kemur þá gerir enginn neitt eða þorir því miður hefur þetta verið viðkvæði hjá launþegum í góðærinu 2003-2008 og eftir það líka því fólkið er svo dofið að það þorir engu! Sjáið Evrópu þar mótmælir fólk og þar er hlustað á fólk en hérna á Íslandi NEI! Því við erum ennþá molbúar og þannig lítur fólk úti í heimi á okkur því við kunnum ekki að standa á okkar rétti og þorum ekki að láta heyra almennilega í okkur út af hræðslu við GRÓÐAPÚNGANA sem EIGA ÍSLAND Á OKKAR KOSTNAÐ OG HRÆÐSLU VIÐ YFIRVALDIÐ SEM ER UNDIR OKKAR STJÓRN MEÐ MISVITRUM STJÓRNENDUM OG ALÞINGI!!!!

 Örninn

27.438 í alvarlegum vanskilum!

Jæja nú getur sá gamli ekki orða bundist um þessar tölur frá Creditinfo!

Þar kemur ekki fram það sem að almenningur hefur þurft að taka á sig til að reyna að standa í skilum með því að semja við lánastofnanirnar allar sem að hefur kostað fjölskyldur það mikið að börnin hafa ekki einu sinni nægju sína í morgunmat og fjölskyldan getur ekki leift sér eitt né neitt og þá er ég að meina 2 fullorðnar manneskjur með tvö börn á lágmarkslaunum í leiguhúsnæði c.a 85 fermetrar og samanlagðar tekjur um 400 þúsund á mánuði! Leiga ca 150-170 þúsund+ einn bíll+ tryggingar og rekstur þegar búið er að draga allt frá með öllum reikningum og búið að semja við lánadrottna sem gefa ekkert eftir þá verða þeir aurar sem eftir verða um það bil 45-60 þúsund til ráðstöfunar! Þannig að það má tvöfalda þessa tölu svo að vitringar ríkisstjórnarinnar fari að hugsa það munar um að geta keypt sér fína steik og vín? á 30-40 þúsund krónur á kostnað okkar skattborgaranna og svo kaupir almenningur kannski einn lítinn pylsupakka og síður pasta með til að drýgja! En það er eins og einn flokksbróðir fjármálaráðherra sagði í den að það væri engin Fátækt á Íslandi! Og annað sagði sá hinn sami líka að það ætti að flytja fólkið í vissu byggðarlagi fyrir Vestan í eina stóra blokk í Reykjavík svo ekki þyrfti að gera göng! Enda hrapaði fylgi floksins við þessi ummæli fyrir vestan og það væri kannski ágætt að spyrja forseta Alþingis um þau mál! En allavegana því miður þá hafa þessir sem réðu þá og eru núna allsráðandi í ríkisstjórn ekki græna glóru í hausnum í sambandi við almannahagsmuni því þessir sömu aflögðu hitt og þetta til að SKÓFLA miklu meira undir VILDARVINI sína. Nú það verður annað hrun og þá hverjum verður það um að kenna? Ekki ég ekki ég veit ekki neitt þetta er sama sagan með blessaðan bláskeiðunginn og með gæruflokkinn á eftir sér og skilja svo ekkert í því að fylgið hrynur! Skrítið? Nei gæruflokkurinn með sína ráðherra er búinn að missa alla tiltrú almennings og bláskeiðungurinn með einn ónefndann aftursætisbílstjóra líka!

Örninn

 

 

27.438 í alvarlegum vanskilum

Einkavæðing, kvóti og kennitöluflakk!

Jæja nú er búið að vera að krítisera blessaða ríkisstjórnina sem lofaði öllu fögru og hefur þurft að mæta mótþróa frá Alþjóð með undirskriftasöfnun, stjórnarandstöðu og ekki bætti úr óvarleg ummæli einhverra ráðherra. En það sem að með gullfiskaminni sumra Íslendinga sem að stofnuðu sér kannski í of miklar neysluskuldir hjá fjármálafyrirtækjunum og lentu kannski í vandræðum og með loforðum fyrir síðustu alþingiskosningar 2013 kusu þeir hinir sömu þá flokka sem að eru í stjórn ríkisins aftur þá flokka sem að einkavæddu banka til vildarvina?, gáfu kvóta?, og jafnvel stuðluðu að Kennitöluflakki? Nú kannski get ég fengið nýja kennitölu sem almúgamaður án þess að stofna fyrirtæki? Nú þá er málið leyst gjaldþrotaskipti, ný kennitala og safna skuldum og svo hringrásin aftur en því miður lendir almenningur í því að borga skuldirnar fyrir vildarvini og kennitöluflakkarana sem að viss stjórnmálaflokkur vill ekki setja á sem forgangsmál til að stoppa vinina því þá hrynur flokksframlagið og einhver bygging verður seld á uppboði nema að Frímúrararnir hjálpi til með sínum földu milljörðum á Tortóla og eða annarsstaðar í veröldinni??????

Smáís ofl!

Jæja sýslumaður hafnaði lögbannskröfu gegn fjarskiptafyrirtækjunum vegna beiðni um lokun á vissar skráarskiptasíður! En ég hlustaði á viðtal á Bylgjunni þar sem rætt var við Snæbjörn framkvæmdastjóra Smáíss en í því viðtali kom ekkert fram hversu mikið öll samtökin sem standa að kröfunni hafa fengið frá ríkinu í formi skatta sem að voru settir á alla skrifanlega diska, spólur ofl og áttu að vega á móti niðurhali, kópíeringu ofl! Nú er þá ekki kominn tími til að ríkisstjórnin láti þá skatta renna til réttlátra ef að þeir hafi ekki fengið sinn skerf nokkur hundruð milljónir frá byrjun? Þá er kominn tími til að blessaðir rukki ríkið um skattinn því með þennan skatt hefur verið svolítið skrítið að örfáir menn ( peningamenn?) hafi getað haft svo mikil ítök á þingmenn sem samþykktu þetta að það er kominn tími til að athuga um mútugreiðslur samanber fréttir í kvöld á ljósvakamiðlum að Ísland sé eftirbáti ýmissa þjóða í sambandi við rannsókn á mútum og þá verðum við að fá erlenda rannsóknarmenn til að kafa eftir spillingunni ekki neina sérskipaða flokkspólítíkusa á fullum launum kannski til að fela eitthvað!

Örninn

Skammarleg og hneykslanleg brot!

Frábært að Biskup kaþólsku kirkjunnar segir frá að misnotkun hafi átt sér stað. En nú kemur spurning til Íslensku þjóðkirkjunnar hversu margir Biskupar, prestar og prelátar hafa verið sýknaðir af skírlífsbrotum sem að víst þóttu eðlileg eftir siðaskipti að sumir kirkjunnar menn á visitasíu sem voru að kenna umgmeyjum ofl hitt og þetta sem að í dag myndi kallast nauðgun? En þá er kominn tími til að Þjóðkirkjan fari nú að grafa upp tengdir við kirkjunnar menn við núlifandi Íslendinga og segja alþjóð frá saurlifnaðinum og hótunum um missi leiguplássins innan kirkjujarðanna sem að fólk var að hokra á og borga allt sitt undir og bóndinn í þá daga fór í kaupstaðarferð með afurðir og 90 % fóru til prestsins! Og ef að bóndinn fórst þá varð ekkjan að taka við eða segja sig á sveitina með börn og buru á meðana að kirkjunnar höfðingjar (ekki allir því margir prestar gáfu af sínum búum mat sem að kom þeim illa því ölmusan við fólk því biskupsdæmið átti sitt og prestum bar að skila sínum tekjum og margir prestar voru flæmdir af jörðum sínum fyrir ölmusuna) lifðu í vellystingum! Það er ekki furða að prestarnir græddu í þá daga en sem betur fer þá er þetta breytt í dag. En samt má þá ekki halda áfram að segja frá nema einhverjir vilji fela eitthvað? Og líka að fá einhverja sem tíma aurunum sínum múltímilljónerana (ekki almenning) að gefa eitthvað af sér í staðinn fyrir að kaupa sér nýjan bíl, nýtt innbú osvfrv til að styrkja eitthvað forvarnarstarf eða líknarstarf? Spurning því hver milljón skiptir máli almenningur hefur gefið 890 milljónir á síðustu 4 árum af sínum litlu tekjum er þá ekki kominn tími til að Auðvaldið bæti um betur með sinn OFSAGRÓÐA OG NIÐURFELLINGU SKULDA?

Örninn

 

Skammarleg og hneykslanleg brot

Treysta höftum og einokun?

Seint verður blessuðum honum Jóni þakkað fyrir almannaþágu! Lok lok og læs fyrir öllu sem að er ekki framleitt á Íslandi og þá mátti í hans tíð hækka allt vöruverð með yfirgengilegum tollum þannig að Landbúnaðurinn bæri ekki skaða af! Nú blessaður kallinn ekki veit ég um það hvort að hann hafi verið sjómaður kannski gerfisjómaður? En það sem að Sigurður Ingi kollegi Jóns þarf að gera það er að gera það sama og frændur okkar Færeyingar að einhliða ákveða okkar makrílkvóta og síldina líka og benda á stórgrossera sem að eiga fiskiskip sem hafa verið að moka upp bæði síld og makríl og kvarta yfir rányrkju okkar! Nú því miður virðist ráðherra vera kjarklaus og sætta sig við eitthvað sem að alþjóð veit ekki um? Er kannski verið að semja undir borðið og kannski fela eitthvað? Sko Þorskastríðin voru slæm en getum við ekki staðið þetta af okkur án einhverra sem að þekkja jafnvel ekki sjóinn? Nei því miður verður einokunin og haftastefnan allsráðandi og td að kaupa kíló af grísakótilettum á 14-1500 krónur, heill kjúklingur frosinn á 750-800 kr kílóið og fá sömu vörur með kaupmætti og launum eins og í td Svíþjóð á 300-400 kr á kíló svínakótilettur og kjúllinn á 300-450 kr per kíló! Er þetta það sem að einokunarsinnar og haftamenn vilja eða samkeppni en það skal tekið fram að td vatnsmagn í frosinni kjötvöru í Evrópu er 15-25 % minna og þá er bannað að drýgja kjötvöru með kartöflumjöli og svo mörgum öðrum efnum sem að Íslenskir framleiðendur hafa fengið að nota í skjóli einokunar til að stela af neytendum í skjóli td gamla verðlagseftirlitsins sem að voru undir stjórn hverra? Kannið það. Nei nú er komið nóg og kominn tími fyrir innflytjendur að fara að láta almenning njóta milljarðagróðans sem að hafður hefur verið af fólki af fjármagnspungunum sem að fengu sína milljarðahundruðir afskrifaða og héldu sínu!

Ps. Nú eru að koma að samningaviðræðum launþega og þá vonandi fær almenningur afturvirka launahækkun samanber hið opinbera og annað þá er kominn tími til að SKERÐA Lífeyri þeirra sem að eru í LSR afturvirkt til jafns við skerðingar almennra lífeyrisþega og líka að FELLA NIÐUR RÍKISÁBYRGÐ LSR og gera hann gjaldþrota þannig að þá næst jöfnuður á lífeyrisréttindum og Íslendingar þurfa ekki að borga skuld sem að YFIRSTÉTTIN samdi um samninga sem að komu svo í ljós að voru Faldir fyrir alþjóð! Það er flott að hafa milljón í LÍFEYRI á mánuði á meðan almúginn hefur ekki í sig að borða!

Örninn

Treystir Sigurði Inga í makríldeilunni

Nýtt skip til Samherja?

Jæja það er ágætt að þeir kaupi nýtt skip og það kannski fyrir greiðslu sem annars hefði farið til þjóðarbúsins sem afnotagjald af auðlind Allra Íslendinga en ekki nokkurra sægreifa sem kvarta sáran og grenja svo eins og þeir gerðu í tíð fyrri ríkisstjórnar og voru með allt á hornum sér og krossbölvuðu auðlindagjaldinu! Man ekki betur en að útgerðir sendu skipin sín í land til að mótmæla! Svo geta þessir hinir sömu greitt sér stóran og feitan arð og tala samt um að útgerðin beri sig ekki. Skrýtið. En þá er líka kominn tími til að taka út úr samningum sjómanna þær greiðslur sem að þeir þurfa að taka þátt í samanber olíugjald og svo margt fleira og grátkór LÍÚ verður ekki stætt á því að setja LÖG á sjómenn ef að þeir hóta að fara í verkfall eins og þeir létu handbendi sína innan ríkisstjórna á þeim tímum ítrekað og sömdu ekki við sjómenn nema með afarkostum eins og samningar sjómanna eru í dag. Því það var og er líka viðkvæðið hjá útgerðarmönnum innan LÍÚ að það væri nóg af mannskap í landi. En það er ágætt að sjómannaforystan veit hvers á að krefjast í næstu samningum og það þýðir ekkert að ráða einhverja útlenska sjómenn því þá myndi skrattinn fyrst hitta Ömmu sína!!

 Örninn

Samherji kaupir línuveiðiskip frá Noregi

Ísland til sölu!

Jæja þá er eins gott að fara að koma sér af landi brott því núna skeit blessuð gæsin all hressilega á Íslenskan almenning. Ég veit ekki betur en að útlendingar hafi verið að kaupa upp jarðir í stórum stíl í tíð hrunríkisstjórnarinnar og svo setti Ögmundur skorður við áframhaldandi ógerningi! Nú þá verður Nubó barasta búinn að kaupa upp allt Ísland! Ég veit ekki hvað er í gangi því núna held ég að þetta litla álit kjósenda ríkisstjórnarinnar sé farið. Þvílíkt gróðabrall og já hvað? Voru kannski einhverjir peningar sem skiptu um hendur? Hvar eru þeir sem eiga að rannsaka spillingu kannski innan spillingarinnar? Fólk er farið að velta fyrir sér hinu og þessu og er þetta kannski ekki eitthvað sem á að SETJA í ÞJÓÐARATKVÆÐAGREIÐSLU? Nei því miður hefur flokkur hennar alltaf verið á móti svoleiðis löguðu því samanber einkavæðing bankanna og svo margt fleira! Ekki hjálpar þetta ríkissjóði en er þá ekki kominn tími til að ná í peningana hjá KVÓTAGREIFUNUM sem skarta á skattskránni efstir! Nei það má ekki heldur á að fella niður auðlegðarskattinn svo að þessir kallar og kjéllingar geti grætt meira! Þetta er bara sannleikurinn og virðist vera bara allt í lagi hjá almenningi sem að varla á ofaní sig og á 185000 á mánuði fyrir utan skatt og svo gleyptu sumir af þessum gullflögur með útrásarvíkingunum og fá afskrifaða hundruðir MILLJARÐA! Er þetta sanngjarnt! Nei það er eitthvað helvíti mikið að dómskerfinu, og SKATTINUM þarna þarf að fara að breyta einhverju en það verður ekki gert á meðan þessir flokkar eru við völd því það verða bara einkalög sett til varnar STÓREIGNAFÓLKI skítt með almenning eins og hefur sýnt sig frá byrjun flokks hennar sem hefur bara stólað á að græða og borga sem minnst laun því það má ekki hækka hjá almenningi þó svo að bossarnir hækki um tugi prósenta og segja því miður er ekki hægt að hækka launin hjá þér!

Örninn

Nemur reglugerð Ögmundar úr gildi

Launakrafa hátekjufólks BHM og BRSB aftur að hruni!

Jæja mér var orða vant eftir að ég las forsíðufrétt MBL sem að Baldur Arnarson blaðamaður á Morgunblaðinu skrifaði þann 18 júlí síðastliðinn. Hver andskotinn er í gangi það er verið að skera niður alveg út og suður en svo kom kjararáð með launahækkanir upp á ja hundruðir þúsunda til ýmissa stjórnenda! En hvað er með almenning sem að þurfti að taka á sig byrðar upp á tugi prósenta launaskerðingu eftir hrunið og því miður með skerðingu á réttindum á greiðslum úr lífeyrissjóð, og því miður ekki Gulltryggðir af Ríkinu samanber LSR. Og þannig að skuldirnar hlaðast upp í þeim Ríkistryggða lífeyrissjóð því gullmolarnir ríkistryggðu mega víst ekki láta skerða hjá sér því þá gætu þeir óvart þurft að sleppa nautafilleinu, gæsabringunum og jafnvel heimilishjálpinni ææ vesen! En þá verður vesalings forystusauður Alþýðusambandsins að fara að halda sig réttu megin og krefjast afturvirkra launaleiðréttinga fyrir almenning því ég veit ekki betur en samkvæmt lögum eiga allir að vera jafnir í launaþróun? Eða hvað? En kannski er almenningur ennþá svo lítils metinn eins og hefur verið eftir árið 1918 og atvinnurekendur hafa notað sér það óspart og sagt við fólkið alveg fram undir 2008 að það sé nóg af mannskap ef að þú ætlaðir að fá launahækkun þá var það ekki hægt því miður allur rekstrarkostnaður er svo mikill ( Út að borða með fjölskyldunni, nýr bíll fyrir konuna og krakkana og svo hlutabréfakaup á góðu gengi) því miðurþá er ekki möguleiki á launahækkun en við skulum tala saman á næsta ári!!! Jæja og svo kom holskefla af erlendu launafólki sem að þeir hinir sömu tóku fagnandi og sögðu reynsluboltum upp til að spara einhverja þúsundkalla en svo fór tími og þjálfun í að reyna að kenna illa talandi manneskju á ensku að vinna og viðkvæðið er svo mikið í dag svona: Ég ekki skilja Íslensku skrifað á blað! Nei nú skal spara og engar launahækkanir og eins má fækka í öllum stofnunum ríkisins því þar eru margir óþurftargemlingar sem að flokkarnir allir saman hafa potað inn í ýmsar stöður alveg frá byrjun og taka allhressilega til í stjórnsýslunni því fyrir óþurftargemlingana þá hefði kannski mátt vera með 40-50 starfandi Lögreglumenn til viðbótar þessum örfáu sem eru ennþá starfandi! Svo að það verður vonandi ekki tannlaus kjarabarátta hjá ASÍ því það er ekkert mál að setja tennur með biti upp í forystusauðinn og held bara að almennur félagsmaður innan ASÍ væri tilbúinn að láta nokkrar krónur af hendi rakna því ekki hangir forysta ASÍ og bitlingarnir á horriminni eða hvað? Milljón kall á mánuði ekkert mál hjá ASÍ eða hvað?

Örninn